Trupat ukrainase kanë arritur një fitore të rëndësishme në qytetin Pokrovsk, në rajonin e Donetskut. Regjimenti i 425-të i sulmit “Skelya” ka dëbuar forcat ruse nga ndërtesa e këshillit komunal dhe ka ngritur flamurin ukrainas mbi objekt.

Në deklaratën e zyrës së shtypit të regjimentit thuhet se:

“Rusët që nuk u arratisën ose nuk u dorëzuan, u asgjësuan.”

Presidenti Volodymyr Zelensky ka falënderuar forcat speciale të Shërbimit të Sigurisë së Ukrainës (SBU) për rolin e tyre në operacion:

“Ne vazhdojmë të shkatërrojmë pushtuesin. Dua të theksoj veçanërisht forcat speciale të Distriktit Ushtarak Qendror ‘A’ të SBU-së, të cilat po shkatërrojnë në mënyrë sistematike dhe shumë efektive pushtuesit rusë dhe pajisjet e tyre në zonat e Pokrovskut dhe në vetë qytetin.”

Kjo operacion vjen si pjesë e përpjekjeve të Ukrainës për të rikthyer kontrollin mbi rajonet e pushtuara dhe për të forcuar praninë e tyre në frontin lindor.