Forcat e armatosura të Ukrainës kanë publikuar pamje të tankut francez AMX-10RC, i cili aktualisht po përdoret për stërvitjen e trupave. Ministria e Mbrojtjes e Ukrainës ndau një video në platformën X, ku shihet mjeti luftarak duke lëvizur dhe kryer manovra ushtarake.

Sipas autoriteteve ukrainase, ky tank së shpejti do të përdoret në vijën e frontit, veçanërisht në drejtimin e Pokrovskut, ku vazhdojnë përplasjet me forcat ruse.

🗣 “Këto janë pamje nga Brigada 155 e Mekanizuar. Së shpejti ajo do t’i shkatërrojë pushtuesit rusë në drejtimin e Pokrovsk”, thuhet në deklaratën e Ministrisë së Mbrojtjes së Ukrainës.

Çfarë është tanku AMX-10RC?

AMX-10RC është një tank i blinduar me rrota, i projektuar nga Franca, i cili njihet për shpejtësinë dhe manovrueshmërinë e lartë në terrene të ndryshme. I pajisur me një top 105 mm, ai është një mjet i fuqishëm për operacione të zbulimit dhe sulmeve të shpejta.

Ky tank është pjesë e ndihmës ushtarake që Franca ka ofruar për Ukrainën, duke synuar të forcojë kapacitetet e saj mbrojtëse kundër sulmeve ruse.

📌 Situata në Pokrovsk mbetet e tensionuar, me ofensivat e vazhdueshme të ushtrisë ruse, ndërsa Ukraina kërkon të mbrojë territorin e saj me armatime moderne nga Perëndimi.