Çmimet e naftës në tregun vendas filluan javën me një trend ulës, duke zbritur një litër naftë për 5 lekë, nga 189 lekë në 184, ndërsa benzina tregtohet për 183 lekë për litër, duke u ulur nga 188 lekë. Kjo është hera e parë që çmimet e karburanteve ndryshojnë këtë vit, duke pasur një rënie prej rreth 10 lekë për litër që nga dhjetori i vitit të kaluar. Megjithatë, krahasuar me muajin maj të vitit të kaluar, nafta aktualisht shitet me një çmim 8.2% më shtrenjtë.

Situata gjeopolitike e tensionuar në Lindjen e Mesme dhe konfliktet e ndryshme, si dhe lufta ndërmjet Rusisë dhe Ukrainës, janë faktorët kryesorë që kanë sjellë luhatshmëri në bursat ndërkombëtare të karburanteve në vite të fundit.

Java për naftën BRENT nisi me një çmim tregu prej 83.5 dollarë në bursë, duke u zbritur nga gati 90 dollarë një muaj më parë. Çmimet e naftës BRENT në Europë dhe West Texas Intermediate në SHBA, të cilat janë referencë për çmimin e naftës në bursat ndërkombëtare, kanë rënë respektivisht me 7% dhe 6.8%.