Një debat i fortë është zhvilluar së fundmi në shtëpinë e Big Brother VIP Albania, duke përfshirë Kristin, Selinën, Mirin dhe Stinen, pas disa komenteve që ndezën reagime të ashpra mes banorëve.

Gjithçka nisi kur Kristi bëri një koment, të cilit Selina iu përgjigj menjëherë duke e kundërshtuar: “Këto komente i ke stop. Mos i bëj, ajo është një montazh”, u shpreh ajo me tone të prerë. Kristi nga ana e tij u justifikua duke thënë se po vijonte një situatë të nisur më herët nga Iliri.

Situata u përshkallëzua më tej, kur Selina theksoi se askush nuk duhet të guxojë të bëjë komente të tilla, duke përmendur edhe Mirin. “Miri është mosha e babit tim dhe është burrë i martuar”, tha ajo, duke e cilësuar të papranueshëm çdo aludim apo koment.

Në debat ndërhyri edhe Stine, por reagimi i Selinës ishte i menjëhershëm dhe i ashpër: “Mos bëj llaka-llaka, nuk rri dot pa ndërhyrë në çdo vend ti”, u shpreh ajo.

Për të qetësuar situatën, Miri reagoi duke sqaruar marrëdhënien e tij me Selinën: “Unë e përkëdhel Selinën si vajzën time”, tha ai, duke mohuar çdo keqkuptim.

Debati ka nxitur reagime të shumta edhe jashtë shtëpisë, duke u kthyer në një nga momentet më të komentuara të ditëve të fundit në Big Brother VIP Albania.