Presidentja e Komisionit Evropian, Ursula von der Leyen, ka prezantuar një plan ambicioz për të mbledhur rreth 800 miliardë euro për të forcuar mbrojtjen e Evropës. Gjatë një konferencë në Bruksel, von der Leyen theksoi se ky është një moment kyç për Evropën, dhe ajo është e gatshme për të rritur sigurinë dhe kapacitetet mbrojtëse të Bashkimit Evropian.

Sipas mediave të huaja, Ursula von der Leyen ka dërguar një letër udhëheqësve evropianë, ku prezanton një plan të riarmatimit të Evropës i përbërë nga pesë pika të rëndësishme:

1. Lëshimi i përdorimit të fondeve publike për mbrojtjen: Von der Leyen sugjeron që shtetet anëtare të rrisin shpenzimet për mbrojtjen me 1.5% të PBB-së, duke krijuar kështu një hapësirë fiskale që mund të arrijë deri në 650 miliardë euro gjatë katër viteve të ardhshme.
2. Instrument i ri që siguron 150 miliardë euro kredi për shtetet anëtare për të investuar në mbrojtje.
3. Përdorimi i fuqisë së buxhetit të Bashkimit Evropian për të mbështetur investimet në mbrojtje dhe siguri.
4. Mobilizimi i kapitalit privat përmes Unionit të Kursimeve dhe Investimeve për të mbështetur projektet mbrojtëse.
5. Mobilizimi i kapitalit privat përmes Bankës Evropiane të Investimeve (BEI), duke shfrytëzuar mundësitë e financimit për projektet mbrojtëse të BE-së.

Ky plan ka për qëllim që të rrisë kapacitetet mbrojtëse të Evropës dhe të sigurojë një përgjigje të fortë ndaj kërcënimeve të mundshme, duke siguruar mbështetje financiare dhe forcimin e bashkëpunimit midis shteteve anëtare.