USAID-i ka njoftuar se më 7 shkurt të gjithë punonjësit e saj me kontratë do të pezullohen në gjithë botën, pas një periudhe të gjatë pezullimi të operacioneve të saj online që ka filluar që prej fundjavës së kaluar. Agjencia, që ka një staf të përbërë nga më shumë se 10.000 persona, ka njoftuar gjithashtu se rreth dy e treta e këtij stafi shërben jashtë vendit, duke mbajtur më shumë se 60 misione kombëtare dhe rajonale.

USAID ka qenë i pranishëm në Kosovë që nga viti 1999 dhe ka investuar mbi 1 miliard dollarë për zhvillimin e vendit, duke përfshirë programe të shumta në fusha të tilla si lufta kundër korrupsionit, sundimi i ligjit, mbështetje për shoqërinë civile dhe zhvillimi ekonomik.

Për stafin që shërben jashtë Shteteve të Bashkuara, Uashingtoni ka hartuar një plan për të mbuluar shpenzimet e udhëtimit për kthimin në SHBA brenda 30 ditëve. Po ashtu, është duke u shqyrtuar mundësia e përjashtimeve për individët që kanë vështirësi të veçanta për t’u kthyer ose që mund të hasin probleme në lëvizshmërinë e tyre.

Udhëheqësia e USAID-it ka njoftuar se do të informojë personelin thelbësor që do të vazhdojë të punojë deri të enjten, më 6 shkurt.