Policia ka vënë në pranga një 32-vjeçar në Fier, i cili akuzohet se ka dhunuar një mjek mjekun në krye të detyrës, në spitalin e qytetit.

Policia njofton se ngjarja ka ndodhur në pavionin e patologjisë në spitalin rajonal të Fierit.

I riu tashmë do të hetohet nga Prokuroria pranë Gjykatës së Shkallës së Parë Fier për veprën penale “Goditje për shkak të detyrës”.

32-vjeçari Ardit Klima, ushtroi dhunë fizike ndaj mjekut E.H, 38 vjeç teksa tashmë materialet i kanë kaluar Prokurorisë që do e hetojë për ”goditje për shkak të detyrës.

Njoftimi i Policisë

Specialistët për Hetimin e Krimeve në Komisariatin e Policisë Fier, arrestuan në flagrancë shtetasin A. K., 32 vjeç, banues në Fier, pasi në Spitalin Rajonal Fier, në pavionin e patologjisë, ka ushtruar dhunë fizike gjatë ushtrimit të detyrës, ndaj mjekut shtetasit E. H., 38 vjeç.
Materialet i kaluan Prokurorisë pranë Gjykatës së Shkallës së Parë Fier për veprën penale “Goditje për shkak të detyrës”.