Policia e Korçës ka arrestuar ditën e sotme një 56-vjeçar, i cili ka ushtruar dhunë psikologjike ndaj bashkëshortes së tij 50-vjeçare, edhe pse kjo e fundit ishte e pajisur me urdhër mbrojtjeje nga policia.
Ky shtetas dyshohet se ka dhunuar në vazhdimësi ish-bashkëshorten e tij 50-vjeçare. Materialet në ngarkim të tij i kaluan prokurorisë së Korçës për veprime të mëtejshme.
“Specialistët për Hetimin e Krimeve në Komisariatin e Policisë Korçë bënë arrestimin në flagrancë për veprat penale “Dhuna në familje” dhe “Veprime në kundërshtim me vendimin e gjykatës” të shtetasit Sh. R., 56 vjeç, banues në Korçë, pasi ky shtetas dyshohet se në vazhdimësi ka ushtruar dhunë psikologjike ndaj ish-bashkëshortes së tij shtetases E. Xh., 50 vjeçe, e cila ka qenë e pajisur me urdhër mbrojtje”, thuhet në njoftimin e policisë.
