Një postim i bujshëm i Ashley Biden, vajza e ish-presidentit amerikan Joe Biden dhe e Zonja e Parë Jill Biden, ka tronditur rrjetet sociale dhe mediat amerikane. Vetëm një ditë para se të depozitonte kërkesën për divorc pas 13 vitesh martesë, 44-vjeçarja publikoi në InstaStory një foto të saj dhe bashkëshortit, mjekut Howard Krein, duke ecur dorë për dore.

Por ajo që tërhoqi vëmendjen ishte mbishkrimi i saj goditës: “Burri im dhe e dashura e tij të kapur për dore”, shoqëruar me këngën “Another” të Notorious B.I.G. dhe Lil’ Kim – një hit i njohur për temat e tradhtisë.

Të nesërmen, Ashley, punonjëse sociale e njohur për aktivizmin e saj, dorëzoi zyrtarisht kërkesën për divorc në Filadelfia. Pak orë më vonë, ajo u rikthye në Instagram me një tjetër mesazh simbolik: një foto ku ecte në park, duke bërë shenjë miratimi, me këngën “Freedom” të Beyoncé në sfond.

Ky veprim publik dhe i sinkronizuar me vendimin ligjor ka ndezur diskutime të shumta në rrjetet sociale, duke hapur një kapitull të ri – dhe shumë personal – në jetën e vajzës së ish-presidentit amerikan.