Ngjarje e rëndë ka ndodhur në Vithkuq të Korçës, ku është arrestuar një 29-vjeçar, kryeplak i fshatit Rehova, i cili akuzohet se ka përdhunuar një 23-vjeçare.

Policia bën me dije se ngjarja ka ndodhur më datë 8 prill dhe se 23-vjeçarja vuan nga prapambetje të lehtë mendore dhe deficit intelektual.

Autori i dyshuar është Ervis Rrapo, kryeplak në fshatin Rehova, ndërsa vepra penale është e ndarë më vete për këta persona, që s’kanë mundësi të mbrohen.

Babai ka deklaruar për policisë se më datë 8 prill ka parë 29-vjeçarin të dilte nga banesa. Ai u ka thënë uniformave blu se Rrapo ka abuzuar me vajzën e tij e cila ka probleme të shëndetit mendor.

Dëshmia e nënës:

Erdhi burri dhe e gjeti me djalin e Aliut. Në korridor, në dhomë. Ne morëm në telefon policinë dhe ata nuk erdhën. Na thanë se ishin pushim. E gjetëm vajzën të zhveshur. Vajza nuk ka probleme mendore. Vajza tha se e zuri djali dhe…Ai kishte pirë. Unë i thashë që atë na sqarojë situatën, ai filloi dhe nuk na la fjalë pa thënë. Vajza u trondit.