****

Një 33-vjeçare shqiptare ka përjetuar një tmerr të paparë në Omonia të Greqisë, kur një 27-vjeçar dyshohet se e ka sulmuar, plagosur me thikë në kofshë, dhe më pas e ka përdhunuar.

“Të dy ramë dakord të shkonim në shtëpinë e tij për të bërë marrëdhënie seksuale”, ka deklaruar 34-vjeçarja shqiptare.

Ajo ka qenë e lidhur dhe e mbyllur në një dhomë, ku është gjetur nga policia e cila është futur brenda pasi ka dëgjuar thirrjet e saj për ndihmë. Kur kanë hyrë në dhomë, policët kanë gjetur vajzën e zhveshur, e lidhur, me shenja dhune dhe një plagë të thellë në kofshën e majtë.

33-vjeçarja ka rrëfyer se nuk e njihjte 27-vjeçarin dhe se ishin takuar atë ditë. Por, sapo kanë hyrë në shtëpinë e tij, ai e ka sulmuar atë duke e rrahur dhe detyruar ta kryejë aktin seksual kundër dëshirës së saj.

Autori i dyshuar, një palestinez 27-vjeçar, u arrestua dhe u identifikua fizikisht nga vajza shqiptare. Policia gjeti një thikë të gjatë 23 cm tek ai.

Ngjarja është zbardhur pas ndërhyrjes së policisë, e cila ka reaguar menjëherë pasi u njoftua për situatën. 33-vjeçarja u dërgua në spital për trajtim mjekësor pasi kishte marrë plagë të rënda në kofshë.

Autoritetet greke po vazhdojnë hetimet për të zbuluar të gjitha detajet e ngjarjes dhe për të siguruar drejtësi për viktimën.