Nënkryetarja e PD dhe deputetja Jorida Tabaku ka reaguar sërish lidhur me shtrenjtimin e çmimeve të produkteve dhe shërbimeve, në krahasim me një vit më parë.

Në një postim në “Facebook”, Tabaku shkruan se një qeveri e djathtë e PD do të luftonte për qytetarët, për taksa më të ulëta, për çmime më pak të kripura dhe për më shumë të ardhura në xhepin tuaj.

Teksa ka publikuar një listë me përqindjen e shtrenjtimit të çmimeve në rrjetet sociale, Tabaku thotë se me rritjen e kostove të produkteve “prej taksave të larta, bie konsumi shqiptarëve prej të ardhurave të ulëta”.

Deputetja e PD-së Jorida Tabaku deklaron se varfërimi çdo familje shqiptare është vizioni ekonomik i Edi Ramës.

“Varfërimi çdo familje shqiptare është vizioni ekonomik i Ramës
Rritet kostoja e produkteve prej taksave të larta, bie konsumi shqiptarëve prej të ardhurave të ulëta.
Mesazhi Ramës është varfëro shqiptarët përmes taksimit, mbyll bizneset përmes zhdukjes së konkurrencës, përqendro ekonominë përmes oligarkisë.
Një qeveri e djathtë e PD do të luftonte për qytetarët, për taksa më të ulëta, për çmime më pak të kripura dhe për më shumë të ardhura në xhepin tuaj”, shkruan Tabaku.