Herën e fundit, Berisha e ‘diagnostikoi’ duke i thënë se vuan nga ‘zilia falike’.

“Zhvillimi psiko seksual te njerëzit kalon në 5 stade, stadi i 3 është stadi falik. Disa mbeten dhe disave u mbetet kompleksi i edipit dhe këtu është Edi Rama. Ky kompleks i stadit të tretë kalon edhe te vajzat. Frojdi e quan këtë “zilia falike te vajzat”. S’kam çtë them tjetër, çohu në këmbë…”, u shpreh Berisha herën e kaluar.

Megjithatë, Spiropali ia ka kthyer me të njëjtën monedhë, duke iu shprehur ish-kryeministrit që vetë Frojdi do të dështonte me Berishën. Pa u kursyer, i ka treguar dhe moshën.

Elisa Spiropali: Një replikë së pari, Frojdi do dështonte para një pacienti si ty, nuk mund të merresh me një burrë në moshë që i ka ngelë mendja të Frojdi. Ne ramë dakord në Konferencën e Kryetarëve, që nga Kuvend të dalë një rezolutë e përbashkët. Do të kemi mundësi të debatojmë. Do mishërojmë një rezolutë që mbështet integritetin e Kosovës. Këtë ka bërë Shqipëria kudo në çdo tryezë. Ne nuk do ndalemi. Deklaratat dhe rezolutat të jenë të përbashkëta. Kosova nuk është një çështje e politikës së ditës. Të dalim mbi traditat e mëparshme.