Ekipet e shpëtimit janë në garë me kohën, ndërkohë që tashmë personave që ndodheshin në bordin e anijes iu ka mbetur edhe disa orë oksigjen. Shpresa për të gjetur dhe nxjerrë në sipërfaqe pasagjerët e nëndetëses, e cila është zhdukur që nga e diela në Atlantik, janë tashmë të pakta.

‘Është një operacion kërkim-shpëtimi dhe ne duhet të vazhdojmë të shpresojmë’! Kështu u përgjigj për gazetarët kapiteni i rojeve bregdetare Jamie Frederick në Boston, të cilët e pyetën nëse ishte ende optimist për gjetjen gjallë të 5 personave të cilët ndodhen në bordin e nëndetëses së zhdukur Titan.

Oksigjeni brenda nëndetëses, sipas një vlerësimi mund të përfundojë sot në mesditë rreth orës 12. Askush nuk mund të thotë nëse ata ishin ende gjallë e as nuk dihej nëse sistemi i ngrohjes në bord ka funksionuar. Por, për të nxitur shpresën, thuhet se janë dëgjuar tinguj të kapur nga hidrolokatori i një aeroplani kanadez si dje ashtu edhe një ditë më parë!

“Ekziston një mundësi që këta tinguj të jenë njerëzorë,” i thotë Corriere ish-kapiteni i marinës amerikane, David Marquet, i cili komandonte nëndetësen bërthamore USS Santa Fe.

Por oqeani është një vend i zhurmshëm: ‘Ka shumë tinguj, të balenave, anijeve që kalojnë, të po atyre anijeve që tani përdoren për kërkime.” shpjegon kapiteni.

Një tjetër problem është se zona e kërkimit e cila ishte zgjeruar dje, dyfishi i një dite më parë. Në një moment, një nga avionët në një patrullë 24-orëshe dalloi një objekt drejtkëndor në sipërfaqe. Megjithatë, roja bregdetare më pas përjashtoi mundësinë se ishte një pjesë e nëndetëses.

Pesë persona ndodhen në anijen Titan, e cila u zhduk të dielën, 700 kilometra larg brigjeve të Newfoundland, gjatë një eksplorimi për të parë rrënojat e Titanikut.

Në bordin e nëndetëses ishin, biznesmeni pakistanez Shahzada Dawood dhe djali i tij, Suleman si dhe Hamish Harding, një biznesmen dhe eksplorues britanik 58-vjeçar. Dawood i përket një prej familjeve më të pasura të Pakistanit. Ai është administrues në Institutin SETI. Eksploruesi francez Paul-Henry Nargeolet 73 vjeç gjithashtu është në bord, si dhe Stockton Rush, shefi ekzekutiv i OceanGate, kompania që financoi zhytjen.