Detaje të reja kanë dalë pas ngjarjes tragjike në Devoll, ku humbi jetën një 59-vjeçar, i cili kishte shkuar për trajtim në një klinikë dentare.

Burime nga hetimet bëjnë me dije se ai ishte i shoqëruar nga familjarët, dhe pas një mbushjeje dentare është ankuar disa herë duke thënë: “S’jam mirë”. Pak më vonë, gjendja e tij u përkeqësua dhe humbi jetën.

Dyshohet se shkaku i vdekjes ka qenë një infarkt, ndërsa grupi hetimor ka sekuestruar kartelën mjekësore për të verifikuar procedurat e ndjekura.

Dentisti 36-vjeçar që kreu trajtimin është marrë në pyetje, por deri më tani nuk rezulton ndonjë shkelje nga ana e tij. Shkaku përfundimtar pritet të përcaktohet nga ekspertiza mjeko-ligjore.