Një person 50-vjeçar ka ndërruar jetë pasi ka rënë në kontakt me energjinë elektrike. Ngjarja ka ndodhur mbrëmjen e së hënës, rreth orës 20:00, në fshatin Terstenik të Drenasit. Lajmin e ka konfirmuar për Telegrafin zëdhënësi i Policisë së Kosovës për rajonin e Prishtinës, Agron Borovci.

Sipas zëdhënësit Borovci, mjeku kujdestar në Qendrën Kryesore të Mjekësisë Familjare (QKMF) në Drenas ka konstatuar vdekjen e viktimës.

“Informata është pranuar rreth orës 20:00, të 22 korrikut 2024, se në fshatin Terstenik të Drenasit, viktima, mashkull, rreth 50 vjeç, ka humbur jetën si pasojë e kontaktit me rrymën. Nga mjeku kujdestar në QKMF në Drenas është konstatuar se viktima është pa shenja jete”, thuhet në raportin e policisë.