I dyshuari për masakrën në Cetinje, Aco Martinoviç, ka ndërruar jetë pasi tentoi të bëjë vetëvrasje. Lajmi është konfirmuar nga ministri i Punëve të Brendshme të Malit të Zi, Danilo Sharanoviç, i cili theksoi se Martinoviç ka vdekur gjatë transportit në spital.

Martinoviç dyshohet se qëlloi dhe vrau së paku 10 persona, përfshirë dy fëmijë, dhe plagosi katër të tjerë. Mjekët në Qendrën Klinike të Podgoricës njoftuan se katër të plagosurit janë ende në gjendje kritike dhe po luftojnë për jetën.

Ky incident tragjik ka tronditur Malin e Zi, ndërsa hetimet për ngjarjen janë ende duke vazhduar.