Gjykata e Posaçme ka vendosur të lironte nga qelia Klea Gjatën, shoqen e ngushtë të Laert Haxhisë, autori i masakrës së Lushnjës.

Vendimi erdhi pas dëshmisë së Artan Tafanit, i cili është i penduar në këtë rast. 28-vjeçarja është nën hetim për akuzat e “moskallëzimit kriminal” dhe “përkrahjes së autorit të krimit”.

Operacioni “Kurrë mos harro” solli prangosjen e 12 personave dhe ndjekjen e 4 të tjerëve.
Dosja është në SPAK, me Laert Haxhiun dhe bashkëpunëtorët e tij të akuzuar për 18 vepra penale.
Artan Tafani, dëshmitari i penduar, zbuloi detaje të tmerrshme, duke treguar se Laert Haxhiu kishte synuar të vriste dy prokuroret që hetonin rastin e masakrës së Lushnjës.

Bashkë me akuzat për 6 vrasje, 5 raste të shkatërrimit të pronës, dhe të tjera, Haxhiu akuzohet edhe për dy vrasje në Greqi.

Masakra e Lushnjës mbetet një prej rasteve më të tmerrshme, ndërsa përgjegjësia për të është ende në proces gjyqësor.