Deputeti i Partisë Demokratike, Lefter Gështenja ka kërkuar verifikim nga Autoriteti i Dosjeve, pas të cili ka rezultuar se nuk ka asnjë lidhje me ish-sigurimin e shtetit.

Nëpërmjet një postimi në Facebook, Gështenja ka shkruar se i është drejtuar Autoritetit të Dosjeve për verifikimin e imazhit të tij dhe familjarëve të tij.

“Përgjigja erdhi, asnjë lidhje me ish Sigurimin e Shtetit as unë dhe as familjarët e mi”, ka shkruar demokrati, teksa ka shtuar se të jesh i pastër nuk ka të bëjë me ligjin, por me moralin.

“Ta fillojmë nga vetja!
Iu drejtova zyrtarisht Autoritetit të Dosjeve të verifikojë figurën time dhe të familjarëve të mi.

Përgjigja erdhi: ASNJË lidhje me ish Sigurimin e Shtetit as unë dhe as familjarët e mi!

I qëndroj parimit se duhet ta nisim nga vetja, para se t’ja kërkojmë kundërshtarit.

Të jesh i pastër nuk ka të bëjë me ligjin por me moralin! Nuk i duhet shqiptarëve hapja e dosjeve nëse ata që drejtojnë vendin nuk marrin guximin të verifikojnë emrin e vet!”, ka shkruar Gështenja.