Një ngjarje e rëndë ka ndodhur mbrëmjen e sotme, më 1 gusht, në Patos, ku një i ri 20-vjeçar, i cili dyshohet se vuante nga probleme të shëndetit mendor, është vetëhedhur nga kati i katërt i pallatit ku banonte, duke humbur jetën.

Njoftimi i Policisë

Patos/Informacion paraprak:
Rreth orës 21:40, në Patos, Fier, shtetasi R. M., rreth 20 vjeç, i cili vuante nga sëmundje të shëndetit mendor, dyshohet se është hedhur nga kati i katërt i pallatit ku banonte dhe për pasojë ka humbur jetën. Grupi hetimor po punon për sqarimin e plotë të rrethanave të rastit.

Grupi hetimor është në vendngjarje për të hetuar dhe sqaruar plotësisht rrethanat që çuan në këtë tragjedi. Ata po mbledhin të dhëna dhe dëshmi për të kuptuar më mirë shkaqet dhe motivet që mund të kenë çuar deri te vetëvrasja e 20-vjeçarit.