Takim me Veteranët e LANÇ – Kandidatja për Deputete në Vlore Brisejda Cakerri

Në një takim të ngrohtë dhe domethënës me veteranët e Luftës Antifashiste Nacionalçlirimtare, kandidatja Brisejda Cakerri shprehu mirënjohjen dhe respektin e saj të thellë për sakrificat e kësaj shtrese, e cila shpesh është lënë në harresë nga institucionet.

E rritur në një familje me tradita të forta atdhetare, familjen Cakerri nga Vlora, që ka dhënë më shumë se katër dëshmorë për lirinë e vendit, Brisejda e ndjen si detyrim moral dhe qytetar të mbështesë ata që dikur luftuan për një Shqipëri të lirë.

“Ne kemi një borxh ndaj tyre. Sakrifica e veteranëve nuk mund të mbetet thjesht histori në libra, por duhet të shoqërohet me vëmendje dhe mbështetje konkrete nga institucionet,” – theksoi ajo gjatë takimit.

Veteranët shprehën shqetësimet e tyre për mungesën e përkujdesjes institucionale, mbështetjen ekonomike dhe rëndësinë e ruajtjes së vlerave të Luftës Nacionalçlirimtare. Brisejda Cakerri premtoi se, nëse merr besimin e qytetarëve, do të angazhohet me vendosmëri për t’i adresuar këto çështje dhe për të siguruar që kontributi i tyre të mos mbetet i harruar.

Takimi ishte një dëshmi e qartë e përkushtimit të saj për të mbajtur gjallë kujtesën historike dhe për të garantuar që veteranët e LANÇ të kenë dinjitetin dhe mbështetjen që meritojnë.