Një studente iraniane organizoi një protestë të pazakontë kundër kodit të ashpër të veshjes në vend, duke u zhveshur deri në të brendshme jashtë Universitetit Islamik Azad në Teheran. Ky veprim, i dokumentuar në video dhe i shpërndarë gjerësisht në mediat sociale, përfshirë edhe nga Amnesty International, është parë si një akt sfidues ndaj kufizimeve strikte që qeveria vendos mbi gratë në aspektin e veshjes.

Në video, studentja shfaqet e ulur pranë universitetit, me flokët e zbuluar dhe duke bërë gjeste ndaj kolegëve të saj, ndër të cilët ndodheshin edhe vajza të tjera të veshura me shami. Pas disa momenteve, ajo shfaqet duke ecur në një rrugë aty pranë, derisa një grup burrash e rrethojnë dhe e futin me forcë në një makinë, duke e arrestuar.

https://vm.tiktok.com/ZMh4ju9uu/

Amnesty International dënoi këtë arrestim të dhunshëm, duke e cilësuar atë si një shkelje të rëndë të të drejtave të njeriut dhe një shembull të qartë të represionit ndaj grave që guxojnë të shfaqin kundërshtim ndaj rregullave të detyrueshme të veshjes në Iran.