Një magazinë me bimë mjekësore në Qafë Gjashtë në Sarandë është përfshirë nga flakët këtë mbrëmje. Në vendngjarje kanë shkuar disa zjarrfikëse nga Saranda.
Flakët janë izoluar, duke shmangur kështu rrezikun për t’u përhapur në banesat ngjitur me magazinën.
Por pas shuarjes së flakëve magazina dhe gjithçka rreth e rrotull është pushtuar nga tymi. Për të ndjekur nga afër situatën ka shkuar edhe kryetari i bashkisë Sarandë, Oltion Çaçi.
