Pamjet që shihni tregojnë momentin e shpërthimit të një automjeti sot në Shkozet të Durrësit, ku ka prani të policisë.

Rreth orës 14:00, në aksin rrugor Shkozet – Durrës. Një automjetin në lëvizje, që drejtohej nga shtetasi Aldi Mustafa ka shpërthyer. 37 vjeçari banues në Durrës, nuk është një emër i panjohur për policinë. Ai rezulton i dënuar më parë për veprat penale “Kanosja” dhe “Prodhimi dhe shitja e narkotikëve”, me 10 vite burg, në Gjermani.

“Rreth orës 14:00, në aksin rrugor Shkozet – Durrës, në automjetin në lëvizje, që drejtohej nga shtetasi A. M., 37 vjeç (i vetëm në automjet), në gomën e pasme, në krahun e pasagjerit, dyshohet se ka shpërthyer lëndë eksplozive. Nga shpërthimi i lëndës eksplozive nuk ka persona të dëmtuar, por vetëm dëme materiale.

Në vendngjarje shërbimet e Policisë dhe grupi hetimor po vijojnë punën për zbardhjen e rrethanave të kësaj ngjarjeje.”, thuhet në njoftimin e policisë.