Një 25-vjeçar ka ngecur në banesën e tij në Përmet, pasi një masiv shkëmbor ka rëshqitur nga mali dhe ka rënë në banesën e tij.
Nga policia bëhet me dije se pjesa e shkëmbit i ka zënë gjymtyrët e poshtme shtetasit Dhimitë Vangjeli dhe i ka pamundësuar lëvizjen.

Njoftimi i Policisë:

Përmet/Informacion paraprak
Mëngjesin e sotëm, në fshatin Çarçovë, një masë shkëmbore ka rrëshqitur nga mali dhe ka rënë në banesën e shtetasit Dh. V., 25 vjeç. Si pasojë, ka mbetur i bllokuar në banesë, 25-vjeçari, të cilit një pjesë e masës shkëmbore i ka zënë gjymtyrët e poshtme dhe i ka pamundësuar lëvizjen.
Shërbimet e Policisë, zjarrfikësit dhe autoambulanca kanë mbërritur në vendngjarje, ku po punohet për nxjerrjen e shtetasit Dh. V.25-vjeçari i zënë prej masivit shkëmbor në banesën e tij në Përmet është shpëtuar nga policia dhe është dërguar në spital për ndihmë mjekësore.