Sot, Partia Demokratike organizoi një akt të mosbindjes civile, duke bllokuar disa akse kryesore rrugore në vend. Gjatë protestës në Milot, një nga protestuesit bëri një gafë që shkaktoi të qeshura tek qytetarët e pranishëm. Teksa kritikonte qeverinë, ai deklaroi: “Poshtë komunizmi, rroftë Edi Rama,” frazë e cila u prit me reagime komike nga turma.

Në vazhdim të fjalimit, protestuesi theksoi shqetësimet për izolimin dhe gjendjen ekonomike të vendit. Ai kërkoi zgjedhje të lira, duke e krahasuar Shqipërinë me Maqedoninë e Veriut dhe duke përmendur fitoren e opozitës në vitin 1992 si shembull të një procesi demokratik që dëshirojnë të rikthejnë.