Një tërmet i fuqishëm 7.9 ballë ka goditur kufirin mes Turqisë jugore dhe Sirisë duke shkaktuar më shumë se 800 viktima dhe mbi 3000 të plagosur. Lëkundja tronditi banorët pas orës 2 të mëngjesit të së hënës me epiqendër pranë qytetit të Gaziantep me thellësi rreth 7 km.

Në Turqi, zyrtarët konfirmuan 284 viktima dhe mbi 2300 të plagosur nga tronditjet në 10 qytete. 284 viktimat në Turqi raportohen nga Kahramanmaraş, Gaziantep, Şanlıurfa, Dijarbakır, Adana, Adiyaman dhe Malatya.

Në video shfaqet momenti që ra tërmeti, një kamera sigurie në një dyqan në Gaziantep kapi raftet duke u tundur vazhdimisht për të paktën 1 minutë e 30 sekonda, duke filluar rreth orës 4:20 të mëngjesit. Mobiljet dhe pajisjet ranë nga raftet dhe u thyen në dyshemenë e dyqanit.