Ish-kryeministri Sali Berisha ka shprehur shqetësimin e tij në një transmetim live në Facebook, disa minuta para fillimit të seancës plenare në Parlament, ku do të vendosej për heqjen e imunitetit të tij si deputet. Berisha ka akuzuar mazhorancën se po përdor këtë masë për të arrestuar kryetarin e opozitës dhe për të tentuar të mposhtë opozitën.

Nëpërmjet një video-lajmi, Berisha ka thënë se deputetët e mazhorancës vjedhin, ndërsa deputetët e opozitës denoncojnë vjedhjet e qeverisë. Ai ka shprehur bindjen se deputetët e opozitës i kanë tmerruar Edi Ramën dhe se Parlamenti ka kaluar në një gjendje antikushtetuese. Berisha ka reaguar ndaj vendimit të Gjykatës dhe komisionit Rama-Brava për heqjen e imunitetit dhe arrestimin e tij, duke e konsideruar antikushtetues. Ai ka përfunduar duke thënë se kjo masë nuk do t’i mposhtë kurrë deputetët e opozitës.

Nga një anë janë deputetët e mazhorancës që vjedhin dhe nga një anë janë deputët e opozitës që denoncojnë vjedhjet e Edi Ramës, familjarëve të tij, ministrave e bandave.

Deputetët e opozitës i kanë kall tmerr Edi Ramës. Prej shumë javësh parlamenti ka më shumë gardistë sesa deputetë. Prej javësh parlamenti ka kaluar në antikushtetueshmëri .