Një konflikt i dhunshëm ka ndodhur në orët e para të 2 janarit në fshatin Gjashtë, Sarandë, ku janë përfshirë katër efektivë policie dhe disa qytetarë. Ngjarja ndodhi pranë një restoranti rreth orës 01:30, dhe pamjet e përplasjes janë kapur nga kamerat e sigurisë.
Në video shihet një person i veshur me uniformë policie, ndërsa mësohet se efektivi Alvaro Sulejmani ka përdorur edhe armën e shërbimit gjatë konfliktit.
Si nisi konflikti?
Sipas dëshmive, konflikti ka lindur për një borxh që polici Alvaro Sulejmani kishte ndaj dy vëllezërve, Enea Nexhipi dhe Albion Nexhipi, të cilët drejtojnë një biznes me makina me qira. Polici, i shoqëruar nga 10 persona të tjerë, ka shkuar në banesën e vëllezërve pas mesnate, ku ndodhi përplasja fizike dhe u qëllua me sende të forta dhe armë zjarri.
Bilanci i konfliktit
Dy vëllezërit Albion dhe Enea Nexhipi mbetën të dëmtuar nga dhuna, por fatmirësisht janë jashtë rrezikut për jetën.
Policia ka arrestuar 8 persona, përfshirë 4 efektivë policie dhe 4 shtetas të tjerë, ndërsa 2 të tjerë po hetohen në gjendje të lirë dhe 2 persona janë shpallur në kërkim.
Personat e arrestuar:
Punonjës policie:
•Alvaro Sulejmani
•Inklid Sulejmani
•Mihal Sulejmani
•Ergis Sulejmani
Shtetas:
•Kejvi Sulejmani
•Shemsho Sulejmani
•Delars Duka
•Kristjan Xhaferri
Të hetuar në gjendje të lirë:
•Enea Nexhipi
•Albion Nexhipi
Të shpallur në kërkim:
•Igli Duka
•Beqir Çoçka
Provat e sekuestruara nga policia:
•3 pistoleta
•4 automjete
•7 celularë
Ngjarja ka tronditur opinionin publik dhe autoritetet po vijojnë hetimet për të zbardhur plotësisht rrethanat dhe përgjegjësitë e secilit të përfshirë.
