Debatet mes Jozit dhe Gjestit kanë qenë të shpeshta brenda shtëpisë së Big Brother VIP Albania 4. Hyrja e Gjestit ndryshoi dinamikat e lojës, duke e vënë atë në qendër të diskutimeve dhe duke i kthyer disa nga banorët kundër tij.

Një prej më të ashpërve ndaj tij ka qenë Jozi, i cili është kritikuar për ofendimet ndaj vajzave brenda shtëpisë. Përplasjet mes tyre janë tensionuar gjithnjë e më shumë, derisa së fundmi një video e shpërndarë në rrjet ka tronditur ndjekësit: Jozi, i njohur për temperamentin e tij të fortë, është kapur në kamera duke i dhënë një shuplakë Gjestit.

Ky akt, përveçse një shkelje e rëndë e rregullave të programit, ka shkaktuar një valë të madhe reagimesh nga publiku. Ndjekësit kanë shpërthyer në komente kundër Jozit, duke kërkuar përjashtimin e tij, ndërsa Gjeti, i befasuar nga situata, nuk ka reaguar ashpër pas incidentit.

Ngjarja ka ndezur diskutime të forta në rrjetet sociale, me fansat që ndajnë opinione të ndryshme, ndërsa pritet të shihet se çfarë vendimi do të marrë produksioni për këtë sjellje të papranueshme.