Një 19-vjeçar ka mbetur i plagosur teksa ishte duke eksploruar natyrën në Alpet e Korabit. I riu, banues në Fushë-Krujë, dyshohet se është rrëzuar aksidentalisht rreth orës 12:40, dhe ka pësuar dëmtime të rënda si pasojë e rënies.
Për shkak të terrenit të vështirë dhe të thepisur ku ndodhi aksidenti, ka qenë e nevojshme ndërhyrja e një helikopteri për të ofruar ndihmë të menjëhershme. Shërbimet e Komisariatit të Policisë Dibër, në bashkëpunim me Ministrinë e Shëndetësisë, kanë organizuar operacionin për shpëtimin e të rinjtë.
Pas ndihmës së parë në vendngjarje, 19-vjeçari është transportuar me helikopter drejt Spitalit të Traumës për trajtim të mëtejshëm. Policia e Dibrës është angazhuar në mënyrë maksimale për të ndihmuar qytetarët dhe vizitorët dhe i fton ata që të raportojnë çdo problematikë në numrin pa pagesë 112.
Shërbimet e Komisariatit të Policisë Dibër, në bashkëpunim me Ministrinë e Shëndetësisë, i shkuan në ndihmë një 19-vjeçari, që u dëmtua gjatë eksplorimit të natyrës, në Alpet e Korabit.
Sot, rreth orës 12:40, në Alpet e malit të Korabit, duke eksploruar natyrën, dyshohet se aksidentalisht është rrëzuar dhe ka mbetur i dëmtuar shtetasi K. S., 19 vjeç, banues në Fushë-Krujë, i cili shoqërohej nga disa shtetas të tjerë.
Shërbimet e Komisariatit të Policisë Dibër, pas marrjes së njoftimit, menjëherë kanë organizuar punën për t’i ardhur në ndihmë 19-vjeçarit.
Për shkak të terrenit të vështirë dhe të thepisur është kërkuar ndërhyrja e helikopterit, me qëllim ofrimin e ndihmës për shtetasin e dëmtuar.
Pas dhënies së ndihmës së parë, 19-vjeçari, është transportuar me helikopter, drejt Spitalit të Traumës.
Policia e Dibrës është e angazhuar maksimalisht në shërbim të qytetarëve dhe vizitorëve, dhe i fton ata që për çdo problematikë që mund të hasin, të telefonojnë në numrin pa pagesë 112.’- njofton policia.
