Në zyrat e Qarkut të Vlorës janë vjedhur disa dokumenta nga një person ende i paidentifikuar.

Rreth orës 23:30 hajduti ka hyrë nëpërmjet tarracës dhe ka thyer dritaret e zyrave.Më pas ka hyrë në arkivin e Qarkut dhe dyshohet të ketë marr disa dosje. Për këtë po kryhet inventari për të mësuar cilat dosje mungojnë.

Nga informacionet paraprake mësohet se ky person ka hyrë në dy zyra dhe ka marr dokumenta në zyrat e administrimit dhe mbrojtjes së tokës.

Hajduti ka qenë i qartë se cfarë ka dashur, ka hyrë e ka marr vetëm dokumentacionin.

Ndërkohë drejtori I drejtorisë së administrimit dhe mbrojtjes së tokës Bardhyl Gjika është shprehur se është duke u bërë një inventor për të saktësuar se cilat dokumente mungojnë nga arkiva, për tia dorëzuar më pas këto informacione policies.

“Jam njoftuar se një person me mjete të forta ka hapur zyrat e pronave. Jemi duke bërë një inventar për të saktësuar se cfarë dokumentash mungojë dhe do t’ia paraqesim  policisë.

Ndërkohë me këtë cëshjte është duke u marrë policia. Hajduti është konstatur nga roja I cili më pas edhe ka njoftuar. Sipas te dhënave hajduti ka hyrë nga dritarja tek zyra e zëdhënësit dhe më pas nga dera kryesore, – ka thënë Gjika.

Vlorë/Informacion paraprak

Më datë 11.10.2021, rreth orës 23:30, tek Pallati i Kulturës, Vlorë, dyshohet se një shtetas ende i paidentifikuar, ka vjedhur me thyerje në zyrat e qarkut, ku ka marrë disa dokumente.

Grupi  hetimor vijon punën për zbardhjen e plotë të ngjarjes dhe fiksimin e çdo prove materiale që do të çojë në identifikimin dhe kapjen e autorit.