Një ngjarje tronditëse ka ndodhur në Vjenë, ku tre gra janë gjetur të vdekura në një shtëpi publike. Një dëshmitar lajmëroi policinë pasi vuri re gjurmë gjaku jashtë ndërtesës. Zëdhënësi i policisë, Philipp Hasslinger, njoftoi se trupat e viktimave kishin “prerje dhe plagë me thikë.”
Një 27-vjeçar u arrestua në afërsi të shtëpisë publike dhe mbante një thikë, e dyshohet se është arma e krimit. Ai është në pyetje nga policia për të zbuluar lidhjet e tij me masakrën. Policia ka marrë në pyetje edhe një grua të gjetur në ambientet e ngjarjes.
Identiteti i viktimave është ende i paqartë. Shtëpitë publike janë të ligjshme në Austri. Ky incident vjen pas një ngjarjeje tjeter tragjike në Vjenë, ku një grua dhe vajza e saj, 13 vjeçe, u gjetën të vdekura në një apartament. Dyshohet se ato janë mbytur nga babai i të miturës.
