Presidentja e Kosovës, Vjosa Osmani, ka konfirmuar se në takimin me presidentin amerikan Donald Trump është diskutuar për situatën e katër liderëve të UÇK-së, për të cilët Gjykata Speciale në Hagë ka kërkuar 45 vite burg për secilin, si dhe për tensionet me Serbinë.

Osmani u shpreh se nuk mund të japë detaje të plota mbi bisedën, duke theksuar se ajo dhe kryeministri Edi Rama do të flasin më shumë kur të vijë momenti. Në një intervistë për Klan Kosova, ajo deklaroi:

“Kemi diskutuar. Unë ju kisha lutur për mirëkuptimin tuaj. Nuk besoj që është në interesin e Kosovës në qoftë se japim më shumë detaje rreth kësaj. Mirëpo, dua të siguroj që i kemi diskutuar të dyja temat dhe kemi marrë garanci të fuqishme. Natyrisht që kur të vjen momenti edhe unë, edhe kryeministri Rama do të flasim më në detaje për këtë temë, por e kemi informuar në detaje për këto dy tema, dhe sërish dua ta them, sot ka qenë një ditë jashtëzakonisht e mirë për Kosovën.”