Ndërtimi i një moli pluskues në fillim të Lungomares, u ka kushtuar shumë tre personave në Vlorë. Sipas policisë, tre shtetasit me inicialet F. Z., 45 vjeç,, Gj. M., 36 vjeç, dhe L. Xh., 65 vjeç, janë arrestuar pasi kanë ndërtuar pa leje, si dhe kanë hedhur disa materiale ndërtimi në det.
Shtetasit F. Z. dhe Gj. M. dyshohet se kishin kontraktuar shtetasin L. Xh., shofer kamioni, për të vendosur gurë dhe disa materiale të tjera të ngurta, në det, në afërsi të molit pluskues, të cilin këta shtetas e kishin ndërtuar pa lejen e organeve kompetente.
Materialet iu referuan Prokurorisë, për veprime të mëtejshme.
