GJILAN – Policia e Kosovës ka shpallur në kërkim dy djemtë e autorit Mefail Shkodra, Edonis dhe Engjull Shkodra, si të dyshuar për vrasjen e trefishtë që tronditi qytetin mëngjesin e sotëm në rrugën “Ibrahim Rugova”.

Ngjarja tragjike ka lënë pas tre viktima të konfirmuara, ndërsa të dyshuarit janë ende në arrati. Policia ka publikuar fotografitë e tyre dhe u ka bërë thirrje qytetarëve për bashkëpunim.

“Bazuar në autorizimin e Prokurorisë Themelore në Gjilan dhe me qëllim të lokalizimit dhe arrestimit të të dyshuarve, kërkojmë bashkëpunim nga qytetarët dhe mediat. Lajmëroni Policinë e Kosovës në stacionin më të afërt policor apo përmes aplikacionit digjital ‘Lajmëro Policinë’. Të dhënat tuaja do të ruhen në konfidencialitet të plotë,” thuhet në njoftimin zyrtar.

Numrat e kontaktit të publikuar nga Policia janë: 192 dhe 038 508 07001. Hetimet po vijojnë me intensitet, me qëllim zbardhjen e plotë të rrethanave të krimit dhe kapjen e autorëve.