Një ngjarje e rëndë tronditi mbrëmjen e djeshme fshatin Kryekuq të Divjakës, ku Besmir Kumria, 30 vjeç, u vra me thikë brenda një lokali.

Sipas informacioneve, viktima po qëndronte ulur në një tavolinë së bashku me disa persona të tjerë, kur Xhesion Toromeni, 25 vjeç, hyri papritur në lokal me thikë në dorë dhe e goditi disa herë, duke e lënë të vdekur në vend.

Autori u largua me shpejtësi, por u kap pak më vonë nga policia. Hetimet e para zbulojnë se shkak i krimit dyshohet të jenë mosmarrëveshjet e vjetra familjare për një kanal vaditës.

Policia ka sekuestruar thikën e krimit dhe po vijon hetimet për zbardhjen e plotë të ngjarjes.