Gjykata e Bolzanos në Itali ka dënuar Avni Mecjan me 24 vite burg për vrasjen me çekiç të bashkëjetueses së tij rumune, Alexandra Elena Mocano, në mbrëmjen e 22 tetorit të vitit 2022.

Prokurorja kishte kërkuar burgim të përjetshëm, ndërsa avokati kishte kërkuar një dënim më të lehtë.

Gjyqtarët e vlerësuan faktorët rëndues dhe lehtësues para se të vendosnin dënimin. Mecjan do të duhet të paguajë një dëmshpërblim prej 320 mijë eurosh në favor të djalit të viktimës.

Dy vite para vrasjes, Mecjan ishte denoncuar për keqtrajtim nga viktima, por pati një afrim me të deri në momentin e tragjedisë.