Trajneri i Barcelona, Xavi Hernandez, shprehu optimizmin e tij për mundësinë e ekipit për të mbrojtur titullin e Ligës së Spanjës. Pavarësisht pozitës së katërt në tabelë, Xavi theksoi se ata janë optimistë dhe kanë ende shpresë për të arritur objektivat.

Pas humbjes në finalen e Super Kupës spanjolle ndaj Real Madridit, Barcelona do të kërkojë rimëkëmbje në ndeshjet e ardhshme, duke filluar me takimin ndaj Real Betis dhe pastaj ndaj Athletic Bilbao në Copa del Rey. Xavi theksoi se ekipi duhet të përdorë idenë e tyre të lojës dhe të shfrytëzojë mundësitë në pjesën e dytë të sezonit.

Pasi Real Madridi e ka mposhtur Barcelonën në të dielën e kaluar, në finalen e Super Kupës spanjolle, ekipi i Xavit është përballur me kritika të ashpra.

“Ne jemi optimistë, ne e dimë që mund t’i arrijmë këto shtatë apo tetë pikë”, ka thënë ai në një konferencë për media.

“Nesër do të tentojnë të luajmë futbollin tonë, të përdorim idenë tonë të lojës, e kemi edhe një pjesë të dytë të sezonit dhe kemi ende shpresë”.

Ai e ka pranuar që ekipi i tij duhet të shtrëngohet për t’i shfrytëzuar mundësitë, mirëpo ka insistuar se beson që mund të triumfojë këtë sezon