Ish-banorja e Big Brother VIP Kosova 3, Xheneta Fetahu, ka folur hapur për të kaluarën e saj në rubrikën “Trotuar” në emisionin E Diell. Gjatë diskutimit për raportet nuse-vjehërr, ajo ka rrëfyer një histori personale nga lidhja e saj e mëparshme.

Xheneta tregoi se ka qenë e fejuar për pesë vite dhe ka jetuar me të dashurin e saj, me të cilin ka kaluar edhe një periudhë ku ka jetuar pranë familjes së tij për shkak të punës. Ajo theksoi se kishte një marrëdhënie shumë të mirë me ish-vjehrrin, me të cilin ruan edhe sot një respekt të madh, ndërsa raporti me ish-vjehrrën ishte gjithmonë i vështirë.

“Unë kam qenë e fejuar 5 vite dhe kam jetuar me të dashurin. Gjatë verës kemi jetuar bashkë me familjen e tij për shkak të punës. Unë me vjehrrin kam patur gjithmonë raporte të mira. Edhe tani kur shihemi kemi kontakt jashtëzakonisht të mirë. Ndërsa me ish-partnerin nuk kam. Për ish-vjehrrin shumë respekt se realisht më ka dashur dhe më ka respektuar gjithmonë. Kurse me vjehrrën kisha gjithmonë probleme. Duke qenë se ai ishte djali i vetëm në familje, ajo e kishte të vështirë që t’a konceptonte dashuria ndaj gruas dhe ndaj nënës është e ndryshme,” u shpreh ajo.

Ky rrëfim i Xhenetës pasqyron një realitet shpesh të ndërlikuar në marrëdhëniet familjare, veçanërisht në raportin midis nuses dhe vjehrrës.