Këngëtarja e njohur Xhensila Myrtezaj ka ndarë për herë të parë një histori të dhimbshme nga jeta e saj, duke rrëfyer detaje tronditëse për periudhën e fëmijërisë. E ftuar në emisionin “Mirëmbrëma Yje” nga Arbana Osmani, Xhensila tregoi mes lotësh se, në moshën 6-vjeçare, ishte dëshmitare e një akti dhune ndaj nënës së saj nga i ati, në rrethana të rënduara nga alkooli.

Historia e Rëndë që Formësoi Jetën e Saj

Xhensila rrëfeu se prindërit e saj u ndanë kur ajo ishte vetëm një fëmijë, pas një periudhe të vështirë për familjen. Ajo zbuloi se i ati, duke mos pranuar divorcin, goditi të ëmën me thikë shtatë herë, duke i shkaktuar humbjen e njërit krah.

Falja dhe Forca e Nënës

Pavarësisht ngjarjes tragjike, Xhensila vlerësoi forcën dhe bujarinë e nënës së saj, e cila zgjodhi ta falte të shoqin për këtë akt.

Për ironi të fatit, historia e mamit u përsërit. Isha 6 vjeç kur prindërit e mi u ndanë. Ishtë një peridhë e rëndë e jetës time. Ndoshta ka ardhur koha që ta them. E di pse e dua shumë mamin tim? Por në të njëjtën kohë e gjykoj pse nuk i dha fund asaj martese para se sytë e mi panë.Im at nuk pranoi divorcin nga ime më. Mami im ka qenë ajo gruaja që u plagos me 7 thika dhe humbi njërën nga duart dhe e gjitha kjo është bërë në sytë e mi. Unë kam parë nënën time teksa therej për këtë vendim dhe gjithmonë e kam ruajtur këtë gjë, dhe nuk e di pse e thash, sepse nuk dua të lëndoj as babanë tim. Edhe ai nuk ka qenë në dijeni se çfarë po bënte, sepse ka qenë nën efektin e alkoolit, gjithesi nëna ime e ka falur,” tregoi Xhensila në emisionin  “Mirëmbrëma Yje” nga Arbana Osmani.