Presidenti kinez, Xi Jinping, prezantoi planet për një rend të ri botëror gjatë një samiti në Tianjin, duke sfiduar politikën dhe hegjemoninë perëndimore të udhëhequr nga SHBA. Ai kritikoi “sjelljet bullizuese” dhe “mentalitetin e Luftës së Ftohtë”, duke iu referuar politikave tarifore të Donald Trump ndaj Kinës dhe aleatëve të saj.
Xi bëri thirrje që Organizata e Bashkëpunimit të Shangait (SCO) të zgjeronte rolin e saj në tregun global dhe të ushtronte multilateralizëm të vërtetë. Në samit morën pjesë liderë të fuqishëm si Vladimir Putin i Rusisë dhe Narendra Modi i Indisë, të cilët shfaqën mbështetje të hapur ndaj vizionit të Xi-së. Presidenti kinez theksoi se “sfidat e reja po rriten, jo pakësohen” dhe u shpreh për nevojën për qëndrim të qartë kundër hegjemonisë dhe politikës së forcës.
