Zbardhen emrat e 16 të arrestuarve në Tiranë, pasi tregtonin dhe magazinonin medikamente mjekësore, të kontrabanduara dhe i shisnin me çmime shumë të larta. Ndërkohë dy të tjerë janë shpallur në kërkim.
Të arrestuarit janë: Devis Beqiri, Gentian Beqiri, Erjon Bajramaj, Dinë Thaqi, Ermal Merdani, Lorin Bregoniva, Almed Hoxha, Elton Qorri, Albi Dyrmishi, Florian Muçogalli, Saimir Dervishi, Admir Hoxha, Gëzim Hoxha, Artur Spaho, Tomor Mustafaj, Albert Bakaj
Në kuadër të operacionit “Rrugëtimi”, u sekuestruan medikamente kontrabandë me vlerë rreth 50000€.
Nga verifikimet e kryera ka rezultuar se këta shtetas, në bashkëpunim me njëri-tjetrin, tregtonin medikamente të ndryshme mjekësore të kontrabanduara, nga Greqia, Italia dhe Kosova, të cilat më pas i shisnin në farmaci të ndryshme në Tiranë, Elbasan, Fier, dhe Vlorë, me çmime shumë të larta.
