Policia ka zbardhur ngjarjen e ndodhur në fshatin Melgushë në Vaun e Dejës, ku shtetasi Jetmir Moriqi u qëllua me armë zjarri. Pas hetimeve të shpejta, është identifikuar dhe arrestuar autori i dyshuar, Edmir Demiraj, 36 vjeç. Sipas policisë, konflikti që çoi në përdorimin e armëve të zjarrit kishte si shkak një borxh të pashlyer.

Ngjarja ka ndodhur mëngjesin e datës 24.07.2024, kur gjatë një përleshjeje për motive të dobëta, Demiraj ka qëlluar me armë zjarri në drejtim të Moriqit. Policisë së Vau i Dejës, në bashkëpunim me specialistët për Hetimin e Krimeve ndaj Personit në Shkodër, arriti të identifikojë dhe kapë autorin.

Materialet procedurale i janë kaluar Prokurorisë pranë Gjykatës së Shkallës së Parë të Juridiksionit të Përgjithshëm Shkodër për veprime të mëtejshme.