Njëri prej 3 të rinjve rezulton të jetë autor i vrasjes së 18-vjeçarit Aureljo Dervishi mbrëmjen e së dielës në Tiranë.

Policia tashmë ka sqaruar dinamikën e ngjarjes, ndërsa vetë i dyshuari ka pranuar se ka pasur një thikë me vete gjatë ngjarjes.

Rezulton se Aureljo Dervishi ishte lidhur pak kohë më parë me vajzën që u bë objekt konflikti që i mori jetën, e cila më herët ka pasur marrëdhënie sentimentale me njërin prej 4 djemve që lëviznin me makinën “Volkswagen Tiguan”.

Burime pranë policisë bëjnë me dije se është çështje orësh që të katërve t’u vendoset masa e paraburgimit.