25.5 C
Tiranë
Thursday, August 21, 2025
spot_img

Zbardhja e vrasjes së Renato Hoxhajt në Vlorë: Hetimet intensifikohen, autoritetet në gjurmët e Range Rover-it mister

Policia e Vlorës ka intensifikuar hetimet për zbardhjen e vrasjes së Renato Hoxhajt, i cili u ekzekutua gjashtë ditë më parë në qytetin bregdetar. Të dhënat më të fundit nga hetimet flasin për një skemë të ndërlikuar dhe përfshirje të mundshme të një grupi kriminal.

Burime pranë hetuesve bëjnë me dije se nga këqyrja e kamerave të sigurisë në zonë është identifikuar një automjet tip Range Rover Sport, që është përdorur nga autori para dhe pas vrasjes. Megjithatë, pavarësisht kërkimeve të shumta dhe kontrolleve në disa zona, mjeti në fjalë nuk është gjetur dhe ka humbur çdo gjurmë.

Dyshimet e para u përqendruan te Eris Mehmetaj, i cili është aktualisht i ndaluari i vetëm për këtë çështje. Sipas hetuesve, Mehmetaj dyshohet se ka vënë në dispozicion automjetin për autorin ende të paidentifikuar. Gjurmët çojnë në Tiranë, ku rezulton se mjeti është blerë rreth tre javë para krimit – fakt që tashmë është mbështetur me dokumentacion zyrtar të sekuestruar nga grupi hetimor.

Nga këqyrja e trupit të viktimës dhe vendit të ngjarjes, është konstatuar një tjetër detaj tronditës: Renato Hoxhaj është qëlluar me dy armë zjarri të ndryshme, bazuar në llojin e predhave të gjetura në vendin e krimit. Megjithatë, kamerat tregojnë vetëm një autor në skenën e vrasjes, çka shton edhe më shumë dyshimet për një krim të mirëorganizuar.

Pavarësisht faktit që Hoxhaj nuk kishte precedent penal, pistat kryesore të hetimit janë përqendruar në përfshirjen e tij në rrethana të lidhura me një grup të strukturuar kriminal, çka mund të shpjegojë brutalitetin dhe sofistikimin e sulmit ndaj tij.

Hetimet vijojnë në disa pista, ndërkohë që autoritetet janë në kërkim të automjetit dhe të autorit kryesor të kësaj vrasjeje që tronditi opinionin publik.

Artikuj të Tjera

Komento

Ju lutemi shkruani komentin tuaj!
Ju lutem shkruani emrin tuaj këtu

POSTIMET E FUNDIT

Horoskopi ditor, e Enjte, 21 Gusht 2025

0
Dashi ♈ Sot do të ndiheni plot energji dhe dëshirë për të marrë iniciativa. Është dita e duhur për të nisur projekte të reja ose...

Parashikimi I motit, e Enjte, 21 Gusht 2025

0
Moti gjatë ditës do të jetë një valë e fortë vere: diell total, pa re, me temperatura që rriten gradualisht deri në 37–38 °C...

Alarm shëndetësor në Gjermani: Infeksionet rezistente ndaj antibiotikëve shkaktojnë mijëra vdekje çdo vit

0
Një studim i ri i kryer nga Instituti Robert Koch (RKI), në bashkëpunim me Universitetin e Uashingtonit dhe institucione të tjera kërkimore, ka nxjerrë...

Dua Lipa zbulon detaje intime nga fejesa me Callum Turner: “Një mijë për qind...

0
Dua Lipa ka folur hapur për historinë e saj të dashurisë me aktorin britanik Callum Turner, duke e cilësuar lidhjen e tyre si një...

Dështim sërish në seancën e konstituimit të Kuvendit të Kosovës

0
Seanca e Kuvendit të Kosovës për zgjedhjen e kryetarit të parlamentit ka përfunduar sërish pa sukses, pasi Lëvizja Vetëvendosje nuk arriti të sigurojë votat...