Dalja në dritë e bisedave kriminale përmes aplikacionit të kriptuar “SKY” ka shkaktuar tronditje të mëdha në sistemin e drejtësisë shqiptare. SPAK, përfshirë të penduarin kryesor Nuredin Dumani, është prekur nga këto dezinformime, duke lënë në dyshim besueshmërinë e dëshmitarëve kryesorë të prokurorisë.
Nuredin Dumani, i përfshirë në dosjet hetimore “Metamorfoza” dhe aksionet kundër grupeve kriminale të Behar Bajrit dhe Ervin Matës, është akuzuar për lidhje dhe marrëveshje për të kryer krime me pjesëtarë të këtyre grupeve.
Në bisedat e administruara nga SPAK, shfaqet roli i Dumani në lidhje me Bardhyl Mavraj alias Bajrin dhe Behar Bajrin për krimet e ndryshme, duke përfshirë këtu dhe pagesat për vrasjen e Dorian Dulit.
Përveç kësaj, SPAK ka evidentuar se Nuredin Dumani ka lidhur marrëveshje me Bujar Gërmizin dhe Aleksandër Bahon alias “Sakatin” për vrasjen e Lulzim Mashës dhe një biznesmeni në Lezhë. Gërmizi ka shërbyer si ndihmës për hyrjen dhe daljen e Dumanit në pikën kufitare “Morinë” pa vështirësi.
Bisedat tregojnë se Dumani ka përdorur “SKY” për të planifikuar dhe koordinuar vrasjet, duke përfshirë diskutime për pagesa dhe modalitetet e ekzekutimeve.
Megjithatë, për shkak të mos rrëfimit të sinqertë të Dumani, ai rrezikon humbjen e statusit të bashkëpuntorit të prokurorisë SPAK, duke u bërë njësoj si dy të penduarit e tjerë, Henrik Hoxhaj dhe Klevis Alla.
Dosja “Metamorfoza” zbulon se vrasja e Dorian Dulit ishte një nga detyrat parësore të grupit “Bajri” në Shkodër, pasi ky i fundit konsiderohej si një rrezik potencial për grupin. Në një bisedë me Bardhyl Mavraj, Dumani propozon një takim për të diskutuar vrasjen e Dorian Dulit.
Në një ngjarje tjetër, SPAK ka nxjerrë në pah se Dumani ka lidhur marrëveshje me Bujar Gërmizin dhe “Sakatin” për vrasjen e Lulzim Mashës. Bisedat tregojnë se këta individë kanë planifikuar vrasjen duke përdorur eksploziv në makinë.
Skandali i këtyre bisedave ka goditur besueshmërinë e SPAK dhe ka theksuar nevojën për një hetim të thelluar për të zbuluar të vërtetën dhe për të vlerësuar ndikimin e tyre në drejtësinë shqiptare.
