Një grup shkencëtarësh kinezë ka identifikuar një variant të ri të koronavirusit të njohur si HKU5, te lakuriqët e natës në Hong Kong. Ky virus i ri është pjesë e familjes merbeccoviruseve, që është e njohur për shkaktimin e sindromës së frymëmarrjes në Lindjen e Mesme (MERS). Shkencëtarët nga Akademia e Shkencave Guangzhou, Universiteti Wuhan dhe Instituti i Virologjisë Wuhan kanë theksuar se varianti ka aftësinë të lidhet me ACE2, një enzimë njerëzore, e njëjtë me atë që përdor virusi SARS-CoV-2, shkaktar i COVID-19.

Pavarësisht kësaj, ata kanë kërkuar që të mos ekzagjerohet me rrezikun e përhapjes së këtij varianti në popullatën njerëzore. Edhe pse varianti mund të lidhet me receptorët ACE2 të lakuriqëve të natës, ka mundësi që ai të mund të kalojë te njerëzit dhe gjitarët e tjerë, duke paraqitur një rrezik të mundshëm të transmetimit zoonotik (nga kafshët te njerëzit).

Shkencëtarët i kanë paralajmëruar autoritetet dhe ekspertët për monitorimin e këtij varianti, për të marrë masat e duhura dhe për të shmangur një mundësi të mundshme për shpërthimin e një tjetër sëmundjeje.