Policia e Tiranës ka zbuluar një lokal të përshtatur për shitje dhe përdorim droge gjatë operacionit të koduar “Mix”. Gjatë aksionit, është arrestuar një 18-vjeçar, L. T., ndërsa pronari i lokalit, G. C., 26 vjeç, është shpallur në kërkim.

Në kontrollin e ushtruar, policia ka sekuestruar një pistoletë me municion luftarak, tre krehër pistolete dhe katër armë të ftohta, që mbaheshin pa leje në ambientet e lokalit.

Operativi i Policisë ka vijuar me intensifikimin e kontrolleve për të parandaluar dhe goditur çdo aktivitet kriminal në fushën e narkotikëve dhe armëmbajtjes pa leje. Materialet janë referuar në Prokurorinë e Tiranës për veprime të mëtejshme procedurale.