Në një video të fundit, Zëbervoki ka shprehur dyshime lidhur me strategjitë që përdorin banorët e “Big Brother VIP Albania” për të investuar çmimin e madh, duke përmendur konkretisht Xumin. Ai e kritikoi këtë mënyrë të parashikimit të përdorimit të parave, ku Xumi kishte thënë se 60% e çmimit të madh do t’ia dërgonte njerëzve në nevojë dhe 40% do t’i përdorte për të kuruar nënën e tij, e cila vuan nga kanceri në stadin e katërt.

Zëbervoki e quajti këtë një “shtirje” dhe një përpjekje të mundshme për të ndikuar në zgjedhjen e publikut. Sipas tij, dikush që ka vërtet qëllime të mira nuk do të bëjë deklarata të tilla përpara se të fitojë. Ai shtoi se një person që është i sinqertë dhe ka zemër të pastër, do të shpallte vendimet e tij për investimin e çmimit vetëm pasi ta kishte fituar, duke shprehur mirënjohjen e tij për publikun dhe duke shpallur përdorimin e parave për bamirësi.

Një nga shtirjet më të mëdha që unë kam hasur gjatë qëndrimit në shtëpinë e BBVA, ka qenë dhe është akoma, strategjia që përdoret me mënyrën sesi do investojnë lekët kur të fitojnë cmimin e madh. Janë dhe shumë konkret me përqindje, kaq përqind këtu, kaq përqind andej.

Nuk e kuptoj se cfarë ka për tu bërtit kjo gjëja e para. Ai që ka zemrën e mirë dhe qëllimin e mirë, nuk flet para se duket sikur do të ndikojë në përzgjedhjen e publikut. Ai që është burrë/burrneshë, në momentin që e fiton çmimin e madh, del aty dhe thotë faleminderit publiku, produksioni, unë këto lekë, kaq përqind do ti coj për bamirësi, kaq atje e kaq, mbaroi puna.